ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ ҲУҚУҚВАЙРОНКУНИИ МАЪМУРИИ ҶУМҲУРИИ ТОҶИКИСТОН

Моддаи 1. Ба Кодекси ҳуқуқвайронкунии маъмурии Ҷумҳурии Тоҷикистон, ки бо Қонуни Ҷумҳурии Тоҷикистон аз 31 декабри соли 2008 қабул гардидааст (Ахбори Маҷлиси Олии Ҷумҳурии Тоҷикистон, с. 2008, №12, қ. 1, мод. 989; мод. 990; с. 2009, №5, мод. 321; №9-10, мод. 543; с. 2010, №1, мод. 2; мод. 5; №3, мод. 153; №7, мод. 547; №12, қ. 1, мод. 812; с. 2011, №6, мод. 430; мод. 431; №7-8, мод. 610; №12, мод. 838), тағйиру иловаҳои зерин ворид карда шаванд:

1. Дар моддаи 318 :

- дар санксияи қисми 1 калимаҳои "се моҳ" ба калимаҳои "аз се то шаш моҳ" иваз карда шаванд;

- дар санксияи қисми 2 калимаҳои "аз панҷ то ҳафт" ба калимаҳои "аз ҳафт то даҳ" иваз карда шаванд.

2. Дар моддаи 324:

- дар номи модда калимаҳои "қисми гузаргоҳ" ба калимаи "роҳ" иваз карда шаванд;

- дар қисми 1:

- аз диспозитсия калимаҳои "қисми гузаргоҳи" хориҷ карда шаванд;

- ба санксия баъд аз калимаҳои "огоҳӣ дода мешавад" калимаҳои "ё ба андозаи аз нисф то як нишондиҳанда барои ҳисобҳо ҷарима таъин карда мешавад" илова карда шаванд;

- санксияи қисми 2 дар таҳрири зайл ифода карда шавад:

"ба андозаи аз ду то панҷ нишондиҳанда барои ҳисобҳо ҷарима ё маҳрум кардан аз ҳуқуқи идораи воситаҳои нақлиёт ба мӯҳлати аз се то шаш моҳ таъин карда мешавад.".

3. Ба моддаи 696 баъд аз рақами "318," рақамҳо ва калимаи "324 қисми 2," илова карда шаванд.

4. Дар моддаи 697:

- дар қисми 1 рақами "324" ба рақамҳо ва калимаи "324 қисми 1" иваз карда шавад;

- дар қисми 2:

- дар сархати дуюм рақами "324" ба рақамҳо ва калимаи "324 қисми 1" иваз карда шавад;

- дар сархати панҷум рақами "316" ба рақами "317" ва рақами "324" ба рақамҳо ва калимаи "324 қисми 1" иваз карда шаванд.

5. Ба моддаи 749 қисми 3 бо мазмуни зайл илова карда шавад:

"3. Ҳангоми содир гардидани ҳуқуқвайронкуниҳои маъмурӣ, ки дар сархати панҷуми қисми 2 моддаи 697 Кодекси мазкур пешбинӣ гардидаанд, протоколи ҳуқуквайронкунии маъмурӣ тартиб дода намешавад. Ҷазои маъмурӣ дар бланкаи намунааш муқарраргардида ба расмият дароварда мешавад ва дар сурати ситонидани ҷарима дар маҳалли содиршавии ҳуқуқвайронкунии маъмурӣ, ба ҳуқуқвайронкунанда пардохтномаи намунаи муқарраргардида дода мешавад.".

Моддаи 2. Қонуни мазкур пас аз интишори расмӣ мавриди амал қарор дода шавад.

Қарори Маҷлиси намояндагони Маҷлиси Олии Ҷумҳурии Тоҷикистон

Оид ба қабул кардани Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон"

Мутобиқи моддаи 36 Қонуни конститутсионии Ҷумҳурии Тоҷикистон "Дар бораи Маҷлиси Олии Ҷумҳурии Тоҷикистон" Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон" қабул карда шавад.

Қарори Маҷлиси миллии Маҷлиси Олии Ҷумҳурии Тоҷикистон

Оид ба Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон"-ро баррасӣ намуда, қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон" ҷонибдорӣ карда шавад.