Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 декабри соли 2004, № 469

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 3 декабри соли 2004, № 469 "Дар бораи Консепсияи рушди соҳибкорӣ дар Ҷумҳурии Тоҷикистон дар давраи то соли 2015" тағйиру иловаҳои зерин ворид карда шаванд: -бандҳои 2 ва 4 хориҷ карда шаванд;

-банди 3 мувофиқан банди 2 ҳисобида шуда, баъд аз он банди нав дар таҳрири зайл илова карда шавад:

"3) Кумитаи давлатии сармоягузорӣ ва идораи амволи давлатии Ҷумҳурии Тоҷикистон назорати иҷрои Консепсияи мазкурро таъмин карда, аз натиҷаи он ҳар сол ба Ҳукумати Ҷумҳурии Тоҷикистон ахбори ҷамъбастӣ пешниҳод намояд".